亂打主意：八十後回話

上回關於女上司的文章出版後，有網友直言質疑我偏激：「咁多年男女老闆都跟過，已婚未婚都有，不覺得未婚女老闆特別有問題，是我幸運定係依家時興踩得就踩？」

恕我失禮，惟有公開苦主的口供了。

「娛樂圈，返九點，放十點就梗o架啦，冇所謂。」接近消息人士隔着手機報料：「你話人哋做嘢唔好，就要睇吓人哋係收緊咩價錢、做緊咩。你自己係高層，又分紅又剩，分分鐘幾百萬一年。下面啲細嘅，一萬蚊個月。佢就幾乎日日朝早九點打去你個位，之後講幾句佢想做嘅嘢，之後就叫啲下屬九點半就要做好個Report畀佢，多半個鐘都冇o架。



最火嘅係Facebook單嘢。佢以為坐喺電腦旁邊半個鐘搞掂，或者係用電話做都得。你個Fan Page要多人睇，就要成日Update。啲Post又要貼片，又要Reply啲網友留言搞互動。你有個數要下屬去追，個下屬就要成日搞。」就調查所見，5月14日星期日有10:36/11:47/13:31/13:32（兩次）/20:41/ 23:02七條更新。5月13日星期六由早上09:30至晚上23:04都有六次。再上個周末也有六條更新左右：「佢以為可以話咁快就搞掂。但係其實呢樣嘢係要成日做，先會畀人覺得你個Fan Page好似好多嘢睇咁。佢又唔想畀錢人做，咪叫自己啲Staff搞囉。佢畀個Assignment出嚟嗰陣，知唔知要點做先？

後來啦，咁想走啦，佢就要人兩個月通知，又話升職，又話加到萬五蚊人工……做唔做？梗係走啦。成行都知道呢間公司換人換得咁快嘅原因係咩啦；依家邊個入去做，我哋都笑嗰條友o架啦……」

在日本，這種上司，叫黏土上司，性格特質和形成原因，在我的《日本亂象》中有詳細分析。想對付這種上司？請自行看看。